काठमाडौं : दीपेन्द्र के खनाल निर्देशित फिल्म ‘चिसो मान्छे’को प्रदर्शन मिति तय भएको छ । चिसो मान्छे नयाँ वर्षको अवसर पारेर आउदो वैशाख ३० मा प्रदर्शन हुने भएको छ ।
शर्मिला पाण्डेको निर्माणमा तयार भएको यो फिल्ममा अभिनेत्री स्वस्तिमा खड्का र अभिनेता अर्पण थापाको मुख्य भूमिका रहेको छ । स्वस्तिमा र अर्पणसँगै फिल्ममा देशभक्त खनाल, आशान्त शर्मा, झकेन बीसी लगायतको अभिनय रहेको छ ।
फिल्मको छायांकन काठमाडौंदेखि जुम्ला लगायतको स्थानमा गरिएको निर्माण पक्षले जनाएको छ । उक्त फिल्मको छायांकन, लेखन तथा निर्देशन सबै निर्देशक दीपेन्द्र के खनाल स्वयमले गरेका छन् ।
