काठमाडौं : नेपालीहरुको महान चाड विजया दशमीको आज दोस्रो दिन। मान्यजनबाट टीका, जमरा लगाई आर्शिवाद लिई विजयादशमी मनाइँदैछ।
नेपाली कलाकारहरुले पनि आफ्नो परिवारसँग टीका लगाएर दशै मनाएका छन्।
अभिनेता भुवन केसी र छोरा अनमोल केसीले विजयादशमीको टीका लगाएको तस्विर सामाजिक सञ्जालमा पोस्ट गरेका छन्।
त्यस्तै अभिनेत्री प्रियंका कार्की र अभिनेता आयुष्मान देशराज जोशीले पनि परिवारसँग टीका लगाँउदै दशै मनाएका छन् ।
अभिनेत्री ऋचा शर्माले बिहेपछि पहिलोपटक दशैँ मनाएको सामाजिक सञ्जालमा उल्लेख गरेकी छिन्। उनले विहेपछि परिवार र छोरासँगको पहिलो दशैं भएकोले निकै विशेष रहेको फेसबुकमा लेखेकी छन्।
अभिनेत्री रेखा थापा, पल शाह, केकी अधिकारी लगायतका थुप्रै कलाकारहरुले दशैं मनाएको तस्वीरहरु सामाजिक सञ्जालमा पोस्ट गरेका छन् ।
