२३ बैशाख २०७९ काठमाण्डौ-रामेछाप सुनापति गाउँपालिकाको रुपाकोटमा नेकपा (माओवादी केन्द्र) को चुनाव केन्द्रित भब्य कार्यक्रम सम्पन्न भएको छ।कार्यक्रममा प्रमुख अतिथिको रुपमा नेकपा (माओवादी केन्द्र) का केन्द्रिय सदस्य युवराज चौलागाईं,बिशेष अतिथिको रुपमा सुनापति गाउँपालिकाको अध्यक्ष धावा लामा लगायत नेकपा (माओवादी केन्द्र) बाट सुनापति गाउँपालिका अध्यक्ष पदको उम्मेदवार ठुलोकान्छा तामाङ,उपाध्यक्ष उम्मेदवार गीता बिष्ट चौलागाईं, वडा न. ५ काअध्यक्ष उम्मेदवार चित्र बहादुर मानन्धर लगायत अन्य नेता कार्यकर्ताको साथै स्थानीयको बाक्लो उपस्थिति रहेको थियो।उक्त कार्यक्रम २२ गते बिहिबार सम्पन्न भएको हो।
कार्यक्रममा उपस्थित प्रमुख अतिथि युवराज चौलागाईंले समग्र सुनापतिको स्तरउन्नति र विकासको निम्ति सुनापति गाउँपालिकामा नेकपा (माओवादी केन्द्र) बाट प्रतिस्पर्धामा उत्रेका सम्पूर्ण उम्मेदवारहरुलाई अत्यधिक मत दिएर जिताउन आग्रह गरेका थिए।सुनापतिको विकासको निम्ति नेकपा (माओवादी केन्द्र) बाहेक अरु बिकल्प नरहेको र बैशाख ३० को स्थानीय चुनावमा नेकपा (माओवादी केन्द्र) को जित निश्चित रहेको समेत बताए।
सुनापति गाउँपालिका अध्यक्ष धावा लामाले आफुहरु निर्वाचित भएर आएपछि ५ वर्षको कार्यकालमा उल्लेखनीय कार्य गर्न सफल भएको र सुनापतिको थप बिकासकोलागि फेरी पनि नेकपा (माओवादी केन्द्र) का सम्पूर्ण उम्मेदवारहरुलाई मत दिएर जिताउनकोलागि उपस्थित स्थानीयहरुलाई आग्रह गरे।
त्यसै गरि कार्यक्रममा उपस्थित सुनापति गाउँपालिका अध्यक्ष उम्मेदवार ठुलोकान्छा तामाङले आफु वडा अध्यक्ष हुदा घोषणा पत्रमा उल्लेखित कार्यहरुमात्रै नभई अन्य थप कार्यहरु गर्न सफल भएको र सुनापतिको थप विकासको निम्ति आफु गाउँपालिका अध्यक्ष भएर जनताको सेवामा लागिपर्ने र त्यसकोलागि जनताले अत्यधिक मत दिएर जिताउनेमा आफुहरु बिश्वस्त रहेको बताए।
कार्यक्रममा उपस्थित पालिका उपाध्यक्ष उम्मेदवार गीता बिष्ट चौलागाईंले आफुहरुले जितेर ५ बर्षको अन्तरलमा समग्र सुनापतिको विकासकोसाथै महिला,बालबालिका,शिक्षा,स्वास्थ्य,रोजगारको सृजनाकोसाथै मानिसहरु रोजगारीकोलागि घर छोडेर ईट्टा भट्टा धाउनुपर्ने कार्यको अन्त्य गर्ने प्रतिबद्दता ब्यक्त गरेको थीइन।
वडा न. ५ को अध्यक्ष उम्मेदवार चित्र बहादुर मानन्धरले आफु वडा अध्यक्ष भएर समग्र वडाको विकास र वडाबासीको हक हितको निम्ति सदैब लागि पर्ने र त्यसकोलागि मत दिएर जिताउन स्थानीयहरुलाई आग्रह गरे।
कार्यक्रममा उपस्थित पार्टीका अन्य नेताहरुले सुनापति गाउँपालिकाको विकासको निम्ति नेकपा (माओवादी केन्द्र) का उम्मेदवारहरुलाई मत दिएर जिताउन आग्रह गरेका थिए साथै कार्यक्रममा उपस्थित स्थानीयहरुलाई सांस्कृतिक कार्यक्रमद्वारा कलाकारहरुले मनोरंजन प्रदान गरेका थिए।
