११ असोज २०७९ – रामेछाप जिल्लाको सुनापति गाउँपालिका वडा न. ३ हिलेदेविको सादिडाँडामा विजया दशमीको पावन अवसरमा बृहत साँस्कृतिक संचालन समितिको आयोजना र वडा न. ३ हिलेदेवीको समन्वयमा यहि मिति २०७९ असोज १७ गते महाअष्टमीको दिन दिउँसो १२ बजे “शुभकामना आदानप्रदान तथा बृहत साँस्कृतिक कार्यक्रम २०७९” हुन गईरहेको छ।
उक्त दिन औपचारिक कार्यक्रमकोसाथै कमल खत्री, विश्व दोङ, बाबु विलिभर,अभिषेक तामाङ,प्रमोद मोक्तान,कविन योञ्जन,मनोज योञ्जनलगायतका राष्ट्रिय तथा अन्तर्राष्ट्रिय ख्यातीप्राप्त गायकहरुकोसाथै मोडल लमिन थिङ र अन्य कलाकारहरुले नृत्यमार्फत मनोरंजन प्रदान गर्ने छन।
विजया दशमीको पावन अवसरमा बिशेषगरि स्थानीयहरुमाझ शुभकामना आदानप्रदान गर्नुकोसाथै मनोरंजन प्रदान गर्ने उद्देश्यले उक्त कार्यक्रम गर्न लागिएको कार्यक्रम संचालन समितिको अध्यक्ष रुपेश मोक्तानले सुनौलोपानालाई जानकारी गराए।
उक्त दिन औपचारिक कार्यक्रमको संचालन संचारकर्मी मनोज खड्काले गर्ने छन भने अनौपचारिक कार्यक्रम रेडियोकर्मी कर्मा लामाले संचालन गर्ने छन।
