दिवालीको अवसरमा प्रदर्शनमा आएको बलिउड फिल्म ‘सूर्यवंशी’ले भारतीय बक्स अफिसमा बम्पर ओपनिङ्ग गरेको छ । भारतमा मात्र नभएर नेपालमा पनि सूर्यवंशी’को क्रेज उतिकै देखिएको छ ।
कोरोना महामारीका कारण मनोरञ्जन क्षेत्र लामो समयसम्म ठप्प भएको थियो । तर यस फिल्मले दर्शकलाई सिनेमा हलमा फर्काएको छ ।
शुक्रबार २६.२९ करोडको कमाइ गरेको यस फिल्मले शनिबार २३.८५ करोडको व्यापार गरेको छ । शुक्रबार र शनिबार गरि दुई दिनमा सूर्यवंशीले ५०.१४ करोड कमाइ गरेको भारतीय सञ्चार माध्यमले जनाएको छ । त्यस्तै तीन दिनमा फिल्मको व्यापार ८० करोडको आसपासमा पुग्ने देखिन्छ ।
रोहित सेट्ठीको निर्देशनमा बनेको यस फिल्ममा अक्षय कुमार, अजय देवगण, रणवीर सिंह, कट्रिना कैफ लगायतका कलाकारको मुख्य भूमिका रहेको छ ।
