रामेछाप । रामेछाप जिल्लाको सुनापतिमा नेकपा माओवादी केन्द्र सुनापति गाउँपालिकाले भब्य चुनावी सभा सम्पन्न गरेको छ। उक्त कार्यक्रममा प्रमुख अतिथिको रुपमा नेकपा माओवादी केन्द्रका केन्द्रीय सदस्य हरिबोल गजुरेलको उपस्थिति रहेको थियो ।
उक्त कार्यक्रममा बोल्दै उनले कमी कोम्जोरी सबै मानिसबाट हुने भएकाले गल्तीबाट सिक्नु पर्ने बताए ।
उनले भने ‘धावा लामाले सबै राम्रो काम गरे म भन्दिन । कमी कोम्जोरी सबैबाट हुन्छ सक्छ । उनले गरेका कतिपय कामहरु अहिले अधुरा छन् । ती अधुरा काम पूरा गर्ने र कमी कम्जोरीबाट सिक्नुपर्छ किनभने मान्छे भएपछि गल्ती गर्छ । सिक्ने भनेको गल्तीबाट नै हो ।’
त्यसका साथै सुनापति गाँउपालिका अब नमुना गाँउपालिका हुनुपर्नेमा उनले जोड दिए ।
यससँगै उनले कार्यक्रममा बोल्दै सुनापति गाउँपालिकाका पाँच वटै वडाका उम्मेदवारलाई विजय देखिसकेको र यहाँ माओवादीले जित्ने पक्का भएको भन्दै अग्रिम बधाई तथा शुभकामना समेत दिएका छन् ।
