५ वर्षे कार्यकालमा आफुले लिएको अठाेट पूरा गरेरै छाड्ने उपाध्यक्ष चौलागाईको अडान

रामेछाप । ५ वर्षे कार्यकालमा आफुले देखिको सपना पूरा गरेरै छाड्ने अठाेट लिएको सुनापती गाउँपालिकाकी  नवनिर्वाचित उपाध्यक्ष गीता बिष्ट चौलागाईले बताएकी छिन् ।
“मेरो ५ वर्षे कार्यकालमा मैले देखेको सपनासंगै राम्रा काम गर्ने जुन अठाेट लिएको छु, त्यसलाई पूरा गरेरै छाड्नेछु,” उनले भनिन् ।                                                                विगतमा उपाध्यक्षको पदमा काम गरिसकेकाले पाँचवर्षको अन्तरालमा आफुले गरेको कामहरुको थुप्रै अनुभुती रहेको उनको भनाइ छ ।                                                            आगामी दिनमा पनि जनताका हक अधिकारका लागि काम गर्ने चौलागाईले बताइन ।                                             “अबको दिनमा सबै जनताले मलाई चुनौती दिनु भएको छ । सोझो र इमानदार भएर मात्र होइन जनताको अधिकारका लागि जुनसुकै निर्णयमा अगाडि बढ्नेछु,” चौलागाईले भनिन् ।