राष्ट्रिय स्वतन्त्र पार्टी घोषणा गरेका रवि लामिछानेले चितवन, डडेल्धुरा र झापाबाट मेरो नउठ्ने विचार रहेको बताएला छन् । नेपाली कांग्रेसका सभापति शेरबहादुर देउवा, नेकपा एमालेका अध्यक्ष केपी शर्मा ओली र नेकपा माओवादी केन्द्रका अध्यक्ष पुष्पकमल दाहाल प्रचण्डलाई चुनौती दिन आफू सक्षम रहेको संकेत गरे।
‘चितवन, डडेल्धुरा र झापामध्ये एकबाट आगामी निर्वाचनमा उठ्न सक्थेँ’, उनले भने, ‘तर त्यहाँको चुनावी इतिहास मलाई थाहाँ छ। त्यहाँको चुनावी इतिहासबारे राम्रो जानकार भएकाले यसबारे विचार गरिरहेको छु। इतिहास थाहा भएकाले ती क्षेत्रबाट उठ्ने नउठ्नेबारे विचार गर्दैछु।’
झापा ओलीको, चितवन प्रचण्डको र डडेल्धुरा देउवाको गृह जिल्ला हो। यी तीनै नेताहरुले आगामी निर्वाचनमा गृहजिल्लाकै क्षेत्रबाट उठ्ने तयारी गरेका छन्।
उनले पार्टी घोषणाका क्रममा देशभरबाट समानुपातिक भोट संकलन गर्नुपर्ने भएकोले यो निर्णय लिएको बताए।
यस्तै, उनले आफैँले नेतृत्व गरेर निर्वाचन आयोगमा दर्ता गराएको र आफ्नो दलमा आउनेहरुलाई स्वागत गरिने बताए। क्षमतावान व्यक्तिहरुलाई, स्वतन्त्र उम्मेदवार भएकालाई खुला हृदयले स्वागत गर्न चाहेको उनले बताए।
