रामेछाप- खाँडादेवी गाउँपालिका वडा नं.२ मझुवामा नेपाल कम्युनिष्ट पार्टी(एकीकृत समाजवादी)को कार्यकर्ता भेला तथा वडा कमिटी गठन कार्यक्रम बिहिवार सम्पन्न भएको छ ।
नेपाल कम्युनिष्ट पार्टी(एकीकृत समाजवादी)जिल्ला कमिटीका उपसचिव किरण मोक्तानले सुनौलो खबरलाई जानकारी दिए अनुसार नेपाल कम्युनिष्ट पार्टी(एकीकृत समाजवादी)का पोलिटब्युरो सदस्य देवशंकर पौंडेल प्रमुख अतिथि र पोलिटब्युरो सदस्य होम बुढाथोकीको विशेष आतिथ्य रहेको उक्त कार्यक्रममा बागमती प्रदेश समिति सदस्य दुर्गा घिमिरे,जिल्ला सचिव लालसिंह घिसिङ,जिल्ला सचिवालय सदस्य टलक घिसिङ तामाङ,जिल्ला सदस्य सुकमान तामाङ लगायतको आतिथ्यमा आयोजित सम्पन्न सो कार्यक्रमले नेपाल कम्युनिष्ट पार्टी(एकीकृत समाजवादी)खाँडादेवी गाउँपालिका वडा नं.२ मझुवा वडा समिति अध्यक्ष हिराकुमार घिसिङ तामाङको अध्यक्षतामा २९ सदस्यीय वडा समिति गठन भएको छ।
