रामेछाप- नेकपा एमालेमा विद्रोह गरि २ विद्यार्थी नेता राजेन्द्र खड्का र प्रकाश श्रेष्ठ नेकपा (एकीकृत समाजवादी) मा प्रवेश गरेका छन।
आईतबार एक कार्यक्रमकोबीच प्रेस विज्ञप्ति जारि गर्दै बिगत लामो समयदेखि नेकपा एमाले निकट जनवर्गीय संगठन अनेरास्ववियुमा संगठित हुँदै दृढतापूर्वक विद्यार्थी हकअधिकारको आन्दोलनमा निरन्तर लागिरहेको र लामो समयदेखि प्रगतिशील विद्यार्थी आन्दोलनमा लाग्ने दौडानमा वर्तमान अनेरास्ववियु दक्षिणपन्थी भासमा फसेको र अवसरवादीहरुको झुण्ड मात्र जम्मा भएकोले यस्तो किसिमको विद्यार्थी संगठनले आम विद्यार्थीहरुको हकअधिकार सुनिश्चित गर्न नसक्ने अवस्थामा पुगेको भन्दै एमाले निकट अनेरास्ववियुको रामेछाप जिल्ला कमिटि सह-सचिवबाट विद्रोह गर्दै नेता द्वय राजेन्द्र खड्का र प्रकाश श्रेष्ठ नेकपा (एकीकृत समाजवादी)मा प्रवेश गरेका हुन।
नेपाली सर्वहारा श्रमजीवी र आम न्यायप्रेमी एवं क्रान्तिकारी जनताको हित गर्ने पार्टी नेकपा (एकीकृत समाजवादी) नै रहेको र आफुहरु यसै पार्टीमा रही निरन्तर देश र जनताको सेवामा समर्पित रहने प्रतिबद्दता समेत दुवै नेताले विज्ञप्तिमा उल्लेख गरेका छन।
नेकपा एमालेमा बिद्रोह गरि नेकपा (एकीकृत समाजवादी) मा प्रवेश गरेका राजेन्द्र खड्का र प्रकाश श्रेष्ठको प्रेस विज्ञप्ति यसप्रकार रहेको छ।
