०१,फागुन,काठमाण्डौ- रामेछाप जिल्ला नेकपा एमाले र नेपालि कांग्रेसमा बिद्रोह जारि छ।रामेछाप जिल्ला खाँडादेवी गाउँपालिकाबाट नेकपा एमाले र नेपालि कांग्रेस परित्याग गरि दर्जनौ नेता तथा कार्यकर्ता नेकाप (एकीकृत समाजवादी) पार्टीमा प्रवेश गरेका छन।
शनिबार एक कार्यक्रम आयोजना गरि नेपालि कांग्रेस परित्याग गरेका राज कुमार कार्की र नेकपा एमाले परित्याग गरेका प्रमोद कुमार तामाङको नेतृत्वमा दिनेस तामाङ, सुबन तामाङ, बिन्तोष तामाङ, सुसन तामाङ, सुकराम तामाङ, जिनोद तामाङ, रबिन तामाङसहित दर्जनौ युवाहरू नेकाप (एकीकृत समाजवादी) पार्टीमा प्रवेश गरेका हुन।
नव प्रवेशी नेता कार्यकर्तालाई नेकपा (एकीकृत समाजवादी) पार्टीका पोलिटब्युरो सदस्य एवं रामेछाप जिल्ला सह- ईन्चार्ज होम बुढाथोकी, नेकपा (एकीकृत समाजवादी) पार्टी रामेछापका वरिष्ठ नेता रमेशबाबु श्रेष्ठ,जिल्ला कमिटि उपसचिव तिर्थ श्रेष्ठ लगायतले खादा लगाएर स्वागत गरेका थिए।
एमाले र कांग्रेसले गरेको गलत हर्कत र व्यवहारले गर्दा आफुहरु पार्टी परित्यागगरि नेकपा (एकीकृत समाजवादी) मा प्रवेश गरेको नव प्रवेशी नेता तथा कार्यकर्ताहरुले सुनौलोपानालाई बताए।नवप्रवेशी नेता तथा कार्यकर्तासँग कम्युनिष्ट आन्दोलनको माहान यात्रामासँगै अगाडी बढ्ने नेकाप (एकीकृत समाजवादी) रामेछापका सह-ईञ्चार्ज होम बुढाथोकीले आफ्नो धारणा राखे।
