रामेछापको सत्ता गठबन्दन दलहरुबिच अझै जुटेन सहमति

१० बैशाख २०७९ काठमाण्डौ- रामेछापको सत्ता गठबन्दन दलहरुको शुक्रबार बसेको बैठक बिना निष्कर्ष टुंगिएको छ।केन्द्रिय सत्ता गठबन्धको केन्द्रिय पार्टीहरुले केन्द्रमा महानगर र नगरमा सहमति गरेपछि रामेछापको गठबन्धन दलहरु बिचपनि मिल्न दबाब दिएतापनि जिल्लामा भने कुनैपनि दलहरुबीच सहमति जुट्न सकेन।सकेसम्म जिल्लाबाटै सहमति जुटाउनेमा आफुहरुलागि परेको र सम्भवत आज पनि वार्ताकोलागि पहल भैरहेको वार्ता टोलिका एक सदस्यले सुनौलोपानालाई जानकारी गराए।बाहिर विभिन्न व्यक्तिहरुले सहमति भएको भनि गलत हल्ला फैलाएको वार्ता टोलिका एक सदस्यले बताए।जिल्लाबाट वार्ता हुन नसकेमा प्रदेशमा निष्कर्षकोलागि पहल गरिनेछ।