२४ बैशाख २०७९ काठमाण्डौ-नेकपा (माओवादी केन्द्र) सुनापति गाउँपालिका काठमाण्डौ सम्पर्क समन्वय कमिटि द्वारा आयोजित चुनावी सभा कार्यक्रम सम्पन्न भएको छ।शनिबार नेकपा (माओवादी केन्द्र) को कार्यालय पेरिसडाँडामा भएको कार्यक्रममा प्रमुख अतिथिको रुपमा भुमि व्यवस्था शहकारी तथा गरिबी निवारण मन्त्रि शशि श्रेष्ठको उपस्थिति रहेको थियो भने बिशेष अतिथिको रुपमा सुनापति गाउँपालिकाको अध्यक्ष धावा लामा, सम्पर्क समन्वय बिशेष प्रदेश समिति अध्यक्ष श्री कृष्ण अधिकारी,नेकपा (माओवादी केन्द्र) प्रदेश कमिटि सदस्य डिल्लीमान तामाङ,अतिथिको रुपमा बागमती प्रदेश समिति सदस्य प्रेम तामाङ,जिल्ला समन्वय सदस्य मान बहादुर दोङ लगायत सुनापति गाउँपालिका अध्यक्ष उम्मेदवार ठुलोकान्छा तामाङ,उपाध्यक्ष उम्मेदवार गीता बिष्ट चौलागाईंकोसाथै अन्य नेता तथा कार्यकर्ताको बाक्लो उपस्थिति रहेको थियो।
कार्यक्रममा उपस्थित प्रमुख अतिथि शशि श्रेष्ठले सुनापति गाउँपालिकामा मात्रै नभई देशैभरि माओवादी केन्द्रले जित हासिल गर्नुपर्ने र त्यसको लागि नेता कार्यकर्ता लगायत जनप्रतिनिधिले अहम भूमिका निभाउनु पर्ने बताईन साथै बिपक्षीलाई कसरी पछाडी पारेर आफुहरुले जित हासिल गर्ने त्यस तर्फ चलाखीपूर्ण तवरले अगाडी बढ्नुपर्नेमा जोड दिईन।
१० बर्षिय जनयुद्द र सहिदको सपना पुरा गर्न माओवादीले जनताको हक हितको कयौँ कार्यहरु गर्न बाकि रहेको त्यसकोलागि कुनैपनि हालतमा माओवादी केन्द्रले जित हासिल गर्नु पर्ने बताईन।चुनावी माहोललाई केन्द्रित गर्दै नेता कार्यकर्ता तथा उम्मेदवारहरु कतै नअल्मलि एकझुट भएर जनताको घरघरमा गएर जनताको मर्म दुख समस्या बुझेर त्यसलाई समाधान गर्नकोनिम्ति जनतासँग मत मागेर जित हासिल गर्नतर्फ कतिबद्द भएर लागि पर्न उपस्थित नेता कार्यकर्ता र उम्मेदवारहरुलाई ध्यान केन्द्रित गराईन।
बिशेष अतिथि धावा लामाले सुनापतिमा माओवादी केन्द्रको जित निश्चित रहेको र माओवादीले जित्ने देखेपछि अन्य दलहरुले अनेक जालझेल गरेर जनतामाझ भ्रम सिर्जना गरेर र झुठो आश्वाशन बाडेर गलत प्रचारमा लागिपरेको र माओवादी केन्द्रलाई हराउने दाउमा रहेको बताए।जस्तो सुकै जालझेल गरेता पनि सुनापतिका जनताले माओवादी केन्द्रका उम्मेदवारहरुलाई जिताउनेमा आफुहरु ढुक्क रहेको बताए।समग्र सुनपतिको बिकासको निम्ति माओवादी बाहेक अरु विकल्प नरहेकोमा समेत लामाले जोड दिए।
सुनापति गाउँपालिका अध्यक्ष उम्मेदवार ठुलोकान्छा तामाङले सुनापतिमा अन्य दलहरु हार्ने भएपछि माओवादीलाई हराउनको निम्ति घृणित रणनीति अपनाउन थालेको र अन्य दलहरुको तुलनामा माओवादीले भारि मत अन्तरले जित्ने दाबि समेत गरे।माओवादी केन्द्रलाई जिताउनकोलागि पार्टीका नेता कार्यकर्ताहरु भरपुरलागि परिरहेको र जनतासामु गएर जनताको समस्या बुझ्ने क्रम निरन्तर रहेको बताए।सुनापतिमा बिगतमा माओवादी केन्द्रले जितेर उपलब्धिमुलक काम गर्न सफल भएको र सुनापतिको विकासमा आगामी दिनमा पनि माओवादी बाहेक अरु विकल्प नरहेकोमा जोड दिए र कुनै पनि हालतमा जनताले आफुहरुलाई जिताउने र सुनापतिको सबै तहमा माओवादीको जित निश्चित रहेको बताए।
त्यसैगरि गाउँपालिका उपाध्यक्ष गीता बिष्ट चौलागाईंले सुनापतिको महिला हक हितको साथै सुनापतिको शिक्षा,स्वास्थ्य,खानेपानी,रोजगारी सृजनाको बिषयमा जोड दिईन।बिपक्षीले जस्तो सुकै जालझेल र षड्यन्त्र र जालझेल बुनेतापनि सुनापतिको जनताले आफुहरुलाई बिश्वास गरेर अत्यधिक जनमत दिएर जिताउनेमा आफुहरु ढुक्क रहेको बताईन।
कार्यक्रममा उपस्थित अन्य अतिथिहरुले सुनापतिमा माओवादी केन्द्रलाई जिताउन आफुहरु हर कसुर बाकि नराख्ने र जस्तोसुकै परिस्थितिको सामना गर्न आफुहरु तयार रहेकोमा जोड दिए।
