२१ पुष २०८१ आईतवार, रामेछाप- रामेछाप जिल्ला सुनापती गाउँपालिका वडा न.१ गुन्सिमा रहेको श्री शतलिङ्गेश्वर माध्यमिक विद्यालयको ६८ औं बार्षिको उत्सव सम्पन्न भएको छ।
श्री शतलिङ्गेश्वर माध्यमिक विद्यालयको बिद्यालय व्यवस्थापन समितिको अध्यक्ष चण्डेश्वर चौलागाईं सभापति रहेको कार्यक्रममा प्रमुख अतिथिको रुपमा बागमती प्रदेश सांसद युवराज चौलागाईंको उपस्थिति रहेको थियो भने बिशेष अतिथिको रुपमा सुनापति गाउँपालिकाको उपाध्यक्ष गीता बिष्ट, वडा अध्यक्ष ध्रुव प्रसाद चौलागाईंको साथै बिद्यालाय व्यवस्थापन समितिको पुर्वअध्यक्षहरु,पुर्व शिक्षकहरु,पुर्व बिधार्थीहरु, शिक्षकहरु,अक्षकोष दाताहरु,समाजसेवीहरु, विभिन्न संघ संस्थाहरुको प्रमुख तथा प्रतिनिधिहरु, अभिभावकहरु लगायत बिधार्थीहरुको उपस्थिति रहेको थियो।
प्रमुख अतिथि माननीय युवराज चौलागाईंले बिद्यालयलाई १ लाख नगद सहयोग गर्ने प्रतिबद्दता व्यक्त गर्नुको साथै विद्यालयको स्तर उन्नतिको लागि सरकारी निकायहरुमा आफुले सकेको पहल गर्ने पनि बताए।
त्यसैगरि विशेष अतिथि गीता बिष्टले गाउँपालिकाबाट शिक्षामा बजेट बढाउन पहल गर्ने र राष्ट्रपति रनिङ सिल्ड प्रतियोगितामा विद्यालयबाट हुने खर्च पालिकाले बेहोर्ने गरि पहल गर्ने बताएकी थिइनन।
त्यसतै वडा अध्यक्ष ध्रुब प्रसाद चौलागाईंले विद्यालयलाई नियमित प्रदान गर्दै आएको बजेटलाई सकेको बढाउने प्रतिबद्दता ब्यक्त गरे।
नेकपा माओवादी केन्द्र रामेछाप जिल्ला सदस्य कर्णखर चौलागाईं ,नेकपा समाजवादी रामेछाप जिल्ला सचिव लालसिङ घिसिङ,नेकपा एमाले जिल्ला कमिटि सदस्य मिन प्रसाद गौतम , नेपाली कांग्रेसका नेता चन्द्र बहादुर घिसिङ लगायतले शुभकामना मन्तव्य व्यक्त गरेका थिए।
कार्यक्रमको संचालन बिद्यालायका शिक्षक योगलाल गौतमले गरेका थिए भने बिद्यालयका प्रधानाध्यापक कबिन लामाले बिद्यालयको बार्षिक प्रतिबेदन प्रस्तुत गरेका थिए। कार्यक्रममा बिद्यालयका सूचना अधिकारी ईन्द्रमणि चौलागाईंले स्वागत मन्तव्य राखेका थिए।
कार्यक्रममा विभिन्न अक्षकोष दाताहरुद्वारा बिद्यार्थीहरुलाई छात्रवृति प्रदान गरिएको थियो साथै शैक्षिक सत्र २०८० मा बढी अतिरिक्त कक्षा लिएका शिक्षकहरुलाई नगद पुरस्कार सहित सम्मान रअक्षकोष दाताहरुलाई दोसल्ला ओडाएर र सम्मान पत्रले सम्मान गरिएको थियो।
