काठमाडौं—नेपालमा थप ३ हजार ६ सय ३७ जनामा कोरोना संक्रमण पुष्टि भएको छ । स्वास्थ्य तथा जनसंख्या मन्त्रालयका अनुसार पछिल्लो २४ घण्टामा ३ हजार ६ सय ३७ जनामा कोरोना संक्रमण पुष्टि भएको हो ।
काठमाडौंमा सबैभन्दा बढी १ हजार २ सय ८३ जना, ललितपुरमा १ सय ५७ र भक्तपुरमा १ सय १२ जना नयाँ संक्रमित थपिएका हुन् । पछिल्लो २४ घण्टामा ३ हजार २ सय १५ जना संक्रमित कोरोना संक्रमणमुक्त भएका छन्। नेपालमा संक्रमणमुक्त हुने दर ६८ दशमलब ७ प्रतिशत रहेको छ।
