असार १६ सोमवार, २०८२ काठमाण्डौ- बक्सिङ खेलका अन्तर्राष्ट्रिय निर्णायक धनकुमार मैनाली “राष्ट्रिय खेलकुद सम्मान २०८१” बाट सम्मानित भएका छन। मैनाली संगै युवा तथा खेलकुद मन्त्रालयले ६ खेलाडी एक एक जना प्रशिक्षक, निर्णायक र चिकित्सकलाई राष्ट्रिय खेलकुद प्रतिभा पुरस्कार दिएको छ।
राष्ट्रिय खेलकुद सम्मान २०८१ बाट सम्मानित मैनाली ब्यवसायीक रुपमा सन् २०१३ अप्रिल २३ मा भक्तपुर जिल्ला बक्सिङ संघले आयोजना गरेको राष्ट्रिय बक्सिङ रेफ्रि/जज सर्टिफिकेशन कोर्ष पुरा गर्दै राष्ट्रिय निर्णायकको भुमिकामा निरन्तर कार्यरत छन। मैनालीले २०१९ मा IBA वान स्टार रेफ्री/जज पास गर्दै अन्तर्राष्ट्रिय निर्णायतको लाईसन्स प्राप्त गरेका थिए। लगतै नेपालमा आयोजित १३ औ साग गेम्समा बक्सिगंको रेफ्रि/जजको भुमिका पुरा गरे, २०२१ मा थाईल्याण्डले आयोजना गरेको अन्तराष्ट्रिय बक्सिगं च्याम्पियनशिप २०२१ मा निर्णायकको भुमिका पुरा गरे, २०२२ मा बैकंकमा आयोजिज यु-२२ ASBC एशियन च्याम्पियनशिपमा आयोजित IBA २ स्टार रेफ्रि/जज शर्टिफिकेशन कोर्ष पुरा गर्दै नेपालकै पहिलो एकमात्र २ स्टार रेफ्रि/जज बन्न सफल भएका थिए। त्यसपछि उनले ब्राजिल, इन्डिया, भुटान, दुबई, उज्बेकिस्तान, बुल्गेरीया, थाईल्यान्ड जस्ता देशहरुमा आयोजित अन्तराष्ट्रिय बक्सिगं प्रतियोगितामा कुशलता पुर्वक निर्णायकको भुमिका पुरा गरेका थिए। मैनालीले २०२४ मा काजकिस्तानमा आयोजिज यू-२२ बक्सिगं च्याम्पियनशिपमा ३ स्टार रेफ्रि/जज शर्टिफिकेशन कोक्ष पुरा गर्दै नेपालकै पहिलो ३ स्टार रेफ्रि/जज बन्न सफल भएका थिए । त्यसपछि मन्टेनिग्रो को बुड्वा शहरमा आयोजित IBA युथ विश्व बक्सिगं च्याम्पियनशिपमा निर्णायकको भुमिका पुरा गरेका थिए।
राष्ट्रिय खेलकुद सम्मान प्राप्त गर्ने खेलाडीमा तेक्वान्दोका भरत सिंह महता, प्रेम बहादुर लिम्बु, र विर वहादुर महरा रहेका छन। त्यस्तै कबड्डीकी अनुजा कुलुङ राई र मानमती विष्ट रहेका छन् भने फुटबलकी दिपा शाही रहेकी छन। त्यस्तै प्रशिक्षकतर्फ तेक्वान्दोका कविराज नेगी लामा र बक्सिङका निर्णायक धन कुमार मैनाली र चिकित्सक डा. राजु डंगोल रहेका छन।
मन्त्रालयले राष्ट्रिय खेलकुद सम्मान प्राप्त गर्ने खेलाडीलाई जनही एक लाख नगद पुरस्कार दिएको छ।
राष्ट्रिय खेलकुद परिषद् (राखेप) का अध्यक्ष माननीय युवा तथा खेलकुद मन्त्री तेजुलाल चौधरी, राखेपका सदस्य–सचिव टंकलाल घिसिङ, युवा तथा खेलकुद मन्त्रालयका सचिव डा. हरिप्रसाद लम्सालले खेलाडी, प्रशिक्षक, निर्णायक र चिकित्सकलाई राष्ट्रिय खेलकुद सम्मानबाट एक कार्यक्रमबीच मन्त्रालयको सभा हलमा सम्मानित भएका हुन। सोही अवसरमा खेलकुद पत्रकारिता प्रोत्साहन पुरस्कारबाट खेलकुद पत्रकारलाई पनि सम्मान गरिएको थियो ।सो अवसरमा राखेपका कार्यकारी समितिका सदस्य कमलबहादुर भट्टराई, राखेपका सदस्य हिमालकुमार श्रेष्ठ लगायतको उपस्थिति रहेको थियो।
