४ माघ, रामेछाप-रामेछाप जिल्लाको सुनापति गाउँपालिका वडा न. ४ भ्वासामा अवस्थित सुनापति भ्वासा च्यारिटी मेडिकल सेन्टर प्रा.लि. का अध्यक्ष तथा धर्मगुरु बिमान सिङ तामाङ ( नवङ पाल्देन ) ले दोलखा जिल्लाको बिगु गाउँपालिका वडा न.७ बिगुमा रहेको टासी छिमे गाछल गुम्बामा खाद्यान्न लगायत नगद सहयोग गरेका छन।उक्त सहयोग गत मिति २०७८ पुष २३ गते गरिएको हो। धर्मगुरु बिमान सिङ तामाङको पहलमा ”ह्याप्पी अल बिईङ” नामक कोरियन संस्थाले उक्त सहयोग सामाग्री लगायत नगद रकम उपलब्ध गराएको हो।
गुम्बाकोलागी चार लाख सत्ताईस हजार पाँच सय बराबरको खाद्यान्न तथा नगद सहयोग गरिएको थियो। जसमध्य १ लाख ४६ हजार १८ रुपैयाँ २ पैसा बराबरको ५० बोरा चामल,१५० केजी दाल,१५० केजी मैदा,७ बाकस खाने तेल, ५० कोजी चिनी, १ बोरा नुन, चिउरा १ बोरा, ३० बाकस चाउचाउ,१ बोरा प्याज लगयातका खाद्यान्न सामग्री खरिद गरि सहयोग गरिएको थियो भने बाकी २ लाख ८१ हजार ४ सय ८१ रुपैयाँ सहयोग रकम हस्तान्तरण गरिएको हो। गुम्बामा अध्यन गरिरहेका करिब ९९ जना आनीहरुको खानपान लगायत अध्यनमा सहज होस भन्ने हेतुले उक्त सहयोग गरिएको हो।
बिगतमा बिपतका दिनहरुमा सुनापति गाउँपालिकाको ५ वटै वडामा लगभग १ करोडको हाराहारीमा खाद्यान्न लगायत स्वास्थ्य साम्मग्री वितरण गरिसकेका सुनापति भ्वासा च्यारिटी मेडिकल सेन्टर प्रा.लि. का अध्यक्ष बिमान सिङ तामाङ ( नवङ पाल्देन ) ले आफ्नो ठाउँमा मात्रै नभएर छिमेकी जिल्लामा समेत सहयोग गर्न पाएकोमा खुशी व्यक्त गरेका छन। यति मात्रै नभई सहयोग गरिएको टासी छिमे गाछल गुम्बाका अध्यक्ष तथा धर्मगुरु घेसे लोबसाङ गातछेन लामा आफ्नो गुरु रहेको र आफ्नो अध्यनको क्रममा गुरुले हरेक दुखमा अभिभावक बनेर अगडी बढ्न सहयोग गरेको बताउतै आज यो स्थानसम्म आईपुग्नुमा गुरुको नै देन रहेको र आज गुरुकै स्थानमा आई सहयोग गर्न पाउदा आफु निकै नै खुशी रहेको बताए।
त्यसैगरी टासी छिमे गाछल गुम्बाका अध्यक्ष तथा धर्मगुरु घेसे लोबसाङ गातछेन लामाले सहयोगी कोरियन संस्था ”ह्याप्पी अल बिईङ” र सुनापति भ्वासा च्यारिटी मेडिकल सेन्टर प्रा.लि. का सम्पूर्ण टिमलाई धन्यवाद दिए।
द्वन्दकालको समयमा धेरैनै चपेटामा परेको उक्त गुम्बाको निर्माण र मर्मतको संगसंगै अध्यन अध्यापनमा समेत कठिन अवस्था आईपरेको र २०७२ सालको भूकम्पले ठुलो क्षति पुर्याउनुकोसाथै हाल भने यस गुम्बाको संरचना निर्माण कार्य भईरहेको गुम्बाका अध्यक्ष तथा धर्मगुरु घेसे लोबसाङ गातछेन लामाले बताए साथै गुम्बा निर्माणकोलागि प्रदेश र केन्द्र सरकारले समेत सहयोग गरिरहेको जानकारी सुनौलो पानालाई गराए।
त्यस्तै अबका दिनहरुमा पनि निरन्तर समाजसेवामा लागिरहने र सुनापति भ्वासा च्यारिटी मेडिकल सेन्टर प्रा.लि. का अध्यक्ष बिमान सिङ तामाङ ( नवङ पाल्देन ) ले सुनौलोपानालाई जानकारी गराए।
टासी छिमे गाछल गुम्बामा सहयोग गरिएको पुरा भिडियो
