काठमाडौँ– प्रधानमन्त्री शेरबहादुर देउवा नेतृत्व सरकारको १ वर्ष कार्यकाल पूरा भएको छ । बुधबार एक वर्षे कार्यकाल पूरा भएको अवसरमा प्रधानमन्त्री देउवाले पछिल्लो ३६५ दिनमा भएका कार्यकप्रगति विवरण सार्वजनिक गरेका छन् ।
उनले आफ्नो नेतृत्वको सो अवधिमा ४३ कार्यहरु सम्पन्न भएको बताएका छन् । जसअन्तर्गत उनले पूर्ववर्ती केपी ओली सरकारले निम्त्याएको राजनीतिक अस्थिरता र कुशासनको अन्त्य गरी मुलुकलाई लोकतान्त्रीक विधि र पद्धतीमा अघि बढाउन सफल भएको उल्लेखे गरेका छन् ।
राष्ट्रिय हितमा आधारित परराष्ट्र नीति अवलम्बनदेखि लिएर संकटग्रस्त उद्योगधन्दा, पर्यटन व्यवसाय, सञ्चार, यातायात जस्ता क्षेत्र र श्रमजीवी, विपन्न, बेराजगारलगायतको उत्थानका लागि विशेष आर्थिक प्याकेजको व्यवस्था, क्यान्सर, मिर्गौला र स्पाइनल इन्जुरीका बिरामीलाई मासिक ५ हजार भत्ता प्रदान गर्ने निर्णयलगायतका कुराहरु उनले बुदाँगतरुपमा उल्लेख गरेका छन् ।
त्यस्तै, स्थानीय तहको निर्वाचन तोकिएको समयमा शान्तिपूर्ण रुपमा सम्पन्न गरेको, कोभिड–१९ को प्रकोपबाट जोगाउन सरकारको पहिलो प्राथमिकतासहित खोप लगाउन योग्य सबै नागरिकलाई पूर्ण खोप दिलाउन सफल, कोरोनाबाट प्रभावित अर्थतन्त्रलाई पुनरुत्थान गर्न विशेष प्याकेज सार्वजनिक गर्दै अर्थतन्त्रलाई चलायमान बनाउन सफल भएको उनको दावी छ ।
