१९ मंसिर,काठमाण्डौ-रामेछापको सुनापति गाउँपालिका वडा न.१ द्वारा “२२औं महिला सामुदायिक स्वास्थ्य स्वंयसेविका दिवस”को अवसरमा वडा न.१ भरि स्वास्थ्य स्वोयम सेविकाको रुपमा काम गरिरहेका १६ जना महिलाहरु सम्मानित भएका छन।
वडा न.१ का अध्यक्ष ध्रुब प्रसाद चौलागाईंको अध्यक्षातामा सुनापति गाउँपालिकाको उपाध्यक्ष गिता बिष्टको प्रमुख आतिथ्यमा शुक्रवार एक कार्यक्रम आयोजना गरि १६ जना महिला स्वास्थ्य स्वंयसेविकाहरुलाई दोसल्ला,सम्मान पत्रद्वारा सम्मानि गरिएको वडा अध्यक्ष ध्रुब प्रसाद चौलागाईंले जानकारी गाराए साथै दोसल्ला,सम्मान पत्रसहित झोला,डायरी,कलम र छाता पनि वितरण गरिएको वडा अध्यक्ष चौलागाईंले बताए।
यो सम्मान पश्चात स्वास्थ्य स्वंयसेविकाप्रति आगामी दिनहरुमा नागरिकहरुलाई सेवा प्रदान गर्न थप प्रोत्साहन मिल्ने बिश्वास लिएको वडा अध्यक्ष ध्रुब प्रसाद चौलागाईंले बताए।
