काठमाडौं : ‘कति बस्छ्यौ माइतीकै कौसीमा’ बोलको गीतको रिमेक भर्सन सार्वजनिक भएको छ । दिवंगत गायक राम थापाको चर्चित गीतलाई नयाँ भर्सनमा निकालिएको हो ।
काठमाडौंमा आयोजित एक कार्यक्रमका बीच ‘छक्का पञ्जा टिम’ले रि-क्रियशन गरेर गीतको भिडियो सार्वजनिक गरेको हो । मुरारी प्रसाद लामिछानेको शब्द र संगीत रहेको गीतलाई भिम बिष्टले रि-क्रियशन गरेर नयाँ स्वरुप दिएका छन् ।
नयाँ भर्सनको युगल गीतमा हिमाल श्रेष्ठ र अन्जु पन्तको स्वर सुन्न सकिन्छ। गीतको भिडियोमा दीपाश्री निरौला, केदार घिमिरे, निर्मल शर्मा, बुद्धि तामाङ लगातका कलाकारहरु अभिनय रहेको छ ।
