काठमाडौं : पछिल्लो २४ घण्टामा थप ४ सय ६९ जनामा कोरोना संक्रमण पुष्टि भएको छ । ७ हजार १ सय १५ जनामा गरिएको पीसीआर परीक्षणमा ४ सय २२ र ३ हजार १ सय ७२ एन्टिजेन परीक्षणमा ४७ जना गरी ४ सय ६९ जनामा कोरोना संक्रमण पुष्टि भएको स्वास्थ्य तथा जनसंख्या मन्त्रालयले जनाएको छ ।
त्यस्तै पछिल्लो २४ घण्टामा कोरोना संक्रमणका कारण ११ जनाको मृत्यु भएको छ भने संक्रमणमुक्त हुनेको संख्या ५ सय ५५ पुगेको छ । यससँगै हाल देशभर सक्रिय संक्रमितको संख्या ९ हजार १ सय ७४ रहेको छ ।
नेपालमा कोरोना संक्रमितको कुल संख्या ९ लाख ८ हजार १ सय ७ पुगेको छ । यससँगै नेपालमा कोरोनाका कारण मृत्यु हुनेको कुल संख्या ११ हजार ४ सय २७ पुगेको छ भने ७ लाख ९२ हजार ८ सय ३२ जना संक्रमणमुक्त भएका छन् ।
