काठमाडौँ – नेकपा माओवादीका केन्द्रिय सदस्य युवराज चौलागाईले अब भौतिक विकास र मानवीय विकासमा ध्यान दिएर अघि बढ्न जनप्रतिनिधिहरुलाई सुझाएका छन्। सुनापति गाउँपालिकाको ११ औं सभाको कार्यक्रममा २०८०को बजेट प्रस्तुत कार्यक्रममा बोल्दै उनले पालिकाको मुहार फेर्न भौतिक विकास मात्र नभई मानवीय विकासमा ध्यान दिएर अघि बढ्नु रहेको बताएका हुन्।
उनले यहाँका बालबालिकाको आधारभूत आवश्यकता पोषण, शिक्षा देखि, छुवाछुत हटाउने महिलापुरुष बराबर भन्ने मानसिकता राख्न जरुरी रहेको बताएका छन् । हालको कार्यकाल सुनापतिलाई कता लिएर जाने भन्ने कुराको संकेत गर्ने उनको भनाइ छ। सुनापतिको विकासका लागि वार्षिक गाउँपालिकाको आय ३ करोड हुनुपर्ने बताएका छन्।
‘हाल गाउँपालिकाको वार्षिक आय ३०लाख छ। तर अब, कार्यकाल हस्तान्तरन गरे समयसम्म आय ३ करोडसम्म हुनुपर्ने छ। यसको लागि आफुसँग भएको जनशक्तिलाई उपयोग गर्न पर्दछ, ‘उनले भने । बजेट बढाउणको निम्ति बाह्य पर्यटकलाई आकर्षित गर्ने कार्य योजना, रोजगारीको व्यवस्था लगायतका पक्षहरुमा ध्यान दिन आवश्यक रहेको उनको भनाइ छ।
हेर्नुहोस भिडियो :
