१५ मंसिर २०८१ रामेछाप-रामेछापको सुनापति गाउँपालिकामा सुनापति खेलकुद विकास समितिले आयोजना गरेको “छैठौँ सुनापति राष्ट्रपति रनिङ शिल्ड प्रतियोगिता-२०८१” को उद्घाटन कार्यक्रम समापन भएको छ। सुनापति खेल मैदानमा आयोजना भएको प्रतियोगितामा गाउँपालिका भरिको ९ वटा मा.वि. का छात्र-छात्राहरुले सहभागी जनाएक थिए।
प्रतियोगिताको उद्घाटन समारोहमा प्रमुख अतिथिको रुपमा सुनापति गाउँपालिकाका अध्यक्ष ठूलो कान्छा तामाङको उपस्थिति रहेको थियो। सुनापति खेलकुद विकास समितिका सचिव दिनेश नेपालीले संचालन गरेको कार्यक्रममा सभा अध्यक्षको रुपमा सुनापति खेलकुद विकास समितिका अध्यक्ष सुदिप केसी रहेका थिए भने कार्यक्रममा सुनापति गाउँपालिकाका वडा अध्यक्षहरु लगायत विभिन्न राजनीतिक दलका प्रतिनिधिहरु साथै स्थानीयहरुको पनि उपस्थिति रहेको थियो।
कार्यक्रममा उपस्थित प्रमुख अतिथि लगायत अन्य व्यक्तित्वहरुले शुभकामना मन्तब्य व्यक्त गरेका थिए।
कार्यक्रममा सुनापति स्काउटले बिशेष प्रदर्शन प्रस्तुत गरेको थियो।
उद्घाटन समारोहमा एथलेटिक्स र भलिवल प्रतियोगिता भएको थियो। एथलेटिक्स तर्फको १०० मिटर दौड प्रतियोगितामा ९ वटै मा.वि.का छात्र-छात्राहरु सहभागी भएका थिए जसमा छात्र तर्फ गुन्सीको श्री सतलिङ्गेश्वर मा.वि.ले प्रथम स्थान हासिल गरेको छ भने मानपुरको श्री कृष्णवर्नेश्वर मा.विले दोस्रो र डहूको डहू मा.वि.ले तेस्रो स्थान हासिल गरेको छ त्यस्तै छात्रा तर्फ बेथानको श्री कुशेश्वर मा.विले प्रथम स्थान हासिल गरेको छ भने मानपुरको श्री कृष्णवर्णेश्वर मा.वि. दोस्रो र खानियापानिको श्री जलदेवी मा.वि.ले तेस्रो स्थान हासिल गरेको छ।
त्यस्तै भलिवलको छात्र तर्फ पहिलो खेल डहू मा.वि र कृष्णवर्नेश्वर मा.वि. बीच भएको थियो। जसमा कृष्णवर्णेश्वरले पहिलो सेटमा २५-२० र दोस्रो सेटमा २५-१६ ले जित हासिल गर्यो।
भने छात्र तर्फै भलिवलको दोस्रो खेलमा सतलिङ्गेश्वर मा.वि. गुन्सी र पशुपति मा.वि बीचको खेलमा पशुपति मा.वि.ले पहिलो सेट २५-१८ र दोस्रो सेट २५-१८ ले जित हासिल गर्दै अगाडी बढ्यो।
“छैठौँ सुनापति राष्ट्रपति रनिङ शिल्ड प्रतियोगिता-२०८१” मंसिर १७ गते अन्तिम प्रतिष्पर्धा हुनेछ।
