१४ मंसिर,२०८१,काठमाण्डौ-रामेछापको नमादीस्थित सिमखोलामा ७१२३ नम्बरको सुमो दुर्घट्ना हुदा गोकुलगंगा गाउँपालिका–४ का वडाध्यक्ष रामचन्द्र बस्नेतको मृत्यु भएको छ। शुक्रबार काठमाण्डौबाट रामेछापतर्फ जाँदै गरेको उक्त सुमो गोकुलगंगाको फर्पु जिरोकिलोबाट नमादीस्थित सिमखोला भन्ने स्थानमा दुर्घटना भएको हो।
दुर्घटनामा परेर वडाध्यक्ष बस्नेतसहित अन्य पाँच जनाको घटनास्थलमै मृत्यु भएको प्रहरीले जनाएको छ। प्रहरीका अनुसार गाडीमा ८ जना सवार थिए। अन्य तीन जनाको उद्धार गरेर अस्पतालतर्फ पठाइएको छ।
