०७,रामेछाप,२०७८- नेकपा (एकीकृत समाजवादी) पार्टी रामेछाप जिल्ला खाडादेवी गाउँपालिका वडा न. ५ मा वडा कमिटि गठन तथा बृहत कार्यकर्ता भेला सम्पन्न भएको छ।
नेकपा (एकीकृत समाजवादी) पार्टी रामेछाप जिल्ला ईन्चार्ज देव शंकर पौडेलको प्रमुख आतिथ्य रहेको उक्त कार्यक्रममा नेकपा (एकीकृत समाजवादी) पार्टी रामेछाप जिल्ला सह-ईन्चार्ज होम बुढाथोकी बिशेष अतिथिको रुपमा उपस्थित थिए।त्यस्तै कार्यक्रममा अतिथिको रुपमा नेकपा (एकीकृत समाजवादी) पार्टी रामेछापका वरिष्ठ नेता रमेशबाबु श्रेष्ठ,जिल्ला कमिटि उप-सचिव किरण मोक्तान, तिर्थ श्रेष्ठ, सरिता खाती लगायत अन्य नेता कार्यकर्ताहरुको उपस्थिति रहेको थियो।
कार्यक्रममा उपस्थित प्रमुख अतिथि देव शंकर पौडेलले समग्र कम्युनिष्ट आन्दोलनदेखि आजको नेकपा (एकीकृत समाजवादी) सम्मको यात्रालाई स्मरण गरे भने एमसीसीको बिषयमा पनि आफ्नो मन्तब्य ब्यक्त गरे, आफुहरुले बिद्रोह गरेर आएको पार्टी नेकपा एमालेले विभिन्न आरोप र लाल्छना लगाइरहेको र आफुहरु त्यस्ता झुटो आरोप र लाल्छनाहरुबाट कत्ति पनि बिचलित नभएको र आफुहरु झन संगठित भई सशक्त ढंगले अगाडी बढ्ने बताए।साथै रामेछाप एमाले नेताहरुलाई आफु सिसाको घरमा बसेर अरुलाई ढुंगा नहान्न समेत आग्रह गरे,अहिलेको एमाले पहिलेको जस्तो नरहेको र एमालेले यस्तै यस्तै गलत हर्कत देखाउदै गए एमाले पार्टी पतन भई जनतासामु नेकपा (एकीकृत समाजवादी) अगाडी आउने बताए।त्यस्तै संसोधन भएर मात्रै एमसीसी पास हुनु पर्नेमा जोड दिए।
कार्यक्रममा उपस्थित बिशेष अतिथि होम बुढाथोकीले मन्तव्यको क्रममा आफु र आफ्नो पार्टीमाथि बागमती प्रदेशको पुर्व अर्थमन्त्रि तथा प्रदेश सभा सदस्य कैलाश ढुंगेलले आफुहरुले संगठन बिस्तारको निर्माणको क्रममा विभिन्न ठाउँमा लाखौं पैसा दिएको झुटो आरोप लगाएको बिषयमा खण्डन गरे।आफुहरु माथि कैलाश ढुंगेलले मिथ्य आरोप लगाएको र संगठन निर्माणको क्रममा कोहि कसैलाई पाँच रुपैया पनि नदिएको बताए।
हिजोको दिनमा एमालेमा रहदा ज्यानको बाजी लगाएर तिनै कैलाश ढुंगेललाई जिताए तर आज एमाले छोडी नेकपा (एस) मा रहिरहदा आफूमाथि व्यक्तिगत र सांगठानिक ढंगले गलत र झुटो आरोपहरु लगाउदै आफ्नो बदनाम गराउन खोजेको बताए।एमालेमा रहदा एमाले बचाउन मृत्युलाई रोज्न समेत पछि नपरी आफुले कैलाश ढुंगेललाई जिताएको र तिनै कैलाश ढुंगेलले आफ्नो बदनाम गराउन खोजेको बताउदै भावुक बने।आफुहरु कोहि कसैलाई पैसाको लोभ देखाई आफ्नो पार्टीमा समावेश नगरी जनताको मन जितेर संगठन बिस्तारमा अगाडी बढ्नेमा समेत जोड दिए।
कार्यक्रममा नेकपा एमाले,नेपाली कांग्रेस, नेकपा (माओवादी केन्द्र) त्यागी दर्जनौ नेता कार्यकर्ताहरु नेकपा (एकीकृत समाजवादी) पार्टीमा प्रवेश गरेका थिए।कार्यक्रममा टेक बहादुर श्रेष्ठको अध्यक्षतामा ५१ सदस्यीय कमिटी गठन गरिएको थियो।
