बैशाख २५ बिहिवार, २०८२,रामेछाप-स्वर्गीय जयबहादुर खड्काको जन्म वि.सं. २००० साल जेठ ११ गते रामेछाप जिल्ला सुनापति गाउँपालिकाको तत्कालीन बेथान गाउँ पञ्चायत–२, झिङ्गटी टोलमा पिता स्व.नरबहादुर खड्का र माता भक्तमाया खड्काको कोखबाट माईलो छोराका रूपमा भएको हो।
गाउँमा विद्यालयको अभाव हुँदाहुँदै पनि विभिन्न जिल्लाहरूमा गई माध्यमिक तहसम्मको शिक्षा हासिल गरे पश्चात केही समय शाही नेपाली सेनामा सेवा गरि वि.सं. २०१७ सालको राजनैतिक परिवर्तन (कु) पछि उहाँ चारतारे झण्डा अर्थात् नेपाली कांग्रेस पार्टीमा आबद्ध भई सक्रिय राजनीतिमा लाग्नुभयो। उहाँ भूमिगत, प्रवास निर्वासन हुँदै वि.सं. २०३१ सालमा भारतको पटना सम्मेलनबाट पार्टीको मेलमिलाप नीतिअनुसार स्वदेश फर्केर पुनः पञ्चायती व्यवस्थाविरुद्ध प्रजातन्त्रको पक्षमा संघर्ष गर्न थालेपछि वि.सं. २०३६ सालको बहुदलीय र निर्दलीय निर्वाचनमा सक्रिय भूमिका निर्वाह गर्नुभएको उहाँले वि.सं.२०४२ सालको सत्याग्रहमा सत्याग्रहीका रूपमा सहभागी भइ स्थानीय जनतामा प्रजातान्त्रिक चेतना फैलाउने महत्वपूर्ण भूमिका निर्वाह गर्दै समाजका विभिन्न वर्गका नागरिकहरूलाई प्रजातान्त्रिक मोर्चामा जोड्न पनि सकृय पहल गरि वि.सं. बैशाख ०७ आइतवार, २०८२,रामेछाप। २०४६ सालको जनआन्दोलनमा समेत स्थानीयस्तरमै सक्रिय भूमिका निर्वाह गर्दै गर्दा वि.सं. २०५१ सालदेखि सुरु भएको माओवादी विद्रोहका क्रममा विभिन्न समयका हस्तक्षेपहरूका बाबजुत उहाँले आफ्नो राजनीतिक निष्ठामा कहिल्यै सम्झौता नगरी नेपाली कांग्रेसको क्रियाशील सदस्यका रूपमा क्रियाशील रहनुभयो। वहाँका समकक्षीहरु शेरबहादुर देउवा,रामेछापका शिव बहादुर खड्का, चिरन्जीवी वाग्ले, सिन्धुलीका ध्रुव ढकाल, दोलखाका भुपेन्द्र खड्का, पद्मशंकर अधिकारी, रुद्रप्रसाद ढुंगेल,इन्द्रप्रसाद ढुंगेल लगायत अधिकांशले राष्ट्रिय स्तरको पद धारण गरे पनि उहाँले जीवनभर कुनै पनि राजनीतिक पद नलिई सिद्धान्त र आदर्शका साथ पार्टीप्रति समर्पित जीवन बिताउनुभयो। उहाँकोअन्तिम इच्छा पार्टीले आधिकारिक रुपमा राष्ट्रिय पार्टीको झण्डा ओडाएर श्रद्धाञ्जली दिन्छ भन्ने थियो तर आज स्वर्गारोहणको नवौँ दिनसम्म पनि नेपाली कांग्रेस पार्टीको कुनै पनि इकाइले उहाँको अन्तिम इच्छा पुरा हुने काम संस्थागत रुपमा नगरेको भएता पनि व्यक्तिगत रुपमा भने माननीय ऊर्जामन्त्री दीपक खड्का र डाक्टर शशांक कोइरालाले पार्टीको झण्डा ओडाएर पशुपति आर्यघाटमा अन्तिम श्रद्धाञ्जली दिनुभयो त्यसप्रति स्वर्गीय जयबहादुर खड्काकाको परिवारजनले आभार व्यक्त गरेका छन तर राष्ट्रिय स्तरको पार्टीकोे होनहार योद्धाको निधनमा पार्टीका सम्पूर्ण इकाइहरू बेखबर झैँ हुनु पार्टीका निष्ठावान साथीहरूलाई यसले पीडाबोध गराएको स्वर्गीय जयबहादुर खड्काकाको परिवारजनको रहेको छ।
