रामेछाप जिल्लाको सुुनापति गाँउपालिका वडा न.४ मा रहेको सुनापति भ्वासा च्यारिटी मेडिकल सेन्टर प्रा.लिले दुई महिना नि:शुल्क स्वास्थ्य सेवा दिएको अवधि सकिएको छ । भ्वासा च्यारिटी मेडिकल सेन्टरले आगामी जेष्ठ र असार गरि दुई महिना सुनापति गाँउपालिकाको पाँचवटै वडाका सम्पूर्ण नागरिकलाई निशुल्क स्वास्थ्य सेवा गरेको हो।
नि:शुल्क स्वास्थ्य उपचारबाट निकै सन्तुष्ट मिलेको भ्वासा च्यारिटी मेडिकल सेन्टर प्रा.लि.का अध्यक्ष बिमान सिङ तामाङले बताए । ‘दुई महिना एउटा नमुनाको हिसाबले नि:शुल्क उपचार दिउ र सेवाग्राहीबाट के कस्तो प्रतिक्रिया र फाइदा कतिको हुन्छ भन्ने सोचले कामको थालनी गरेका हौँ। बिरामीबाट हामीले स्वास्थ्यमा निकै फाइदा पाएको सुनिन्दा राम्रो लागेको छ, ‘अध्यक्ष तामाङले भने ।
सुनापति गाउँपालिकाका बिरामीले शर्वशुलभ उपचार पाउन भन्ने उद्देश्यका साथ सेन्टर खोलेको उनको भनाइ छ । ‘हामीले स्थापनाकाल देखि ५ वर्षसम्मको अवधिमा शिविरहरु संचालन गर्दै आएका छौँ। यो कामलाई पुन: निरन्तरता दिने सोच छ, ‘उनले भने ।
सो शिविरमा ५३८ जना बिरामीको नि:शुल्क उपचार भएको छ। उनीहरुको स्वास्थ्य समस्या अनुसार मेडिकल सेन्टरले औषधी पनि वितरण ग-यौ। ती मध्ये १५ जना एक्स-रे गर्दा ७ हजार ५ सय ७५ जनालाई ल्याब परीक्षणमा १० हजार ५ सय लगायातका खर्च सबै जोडेर २ लाख ५० हजार खर्च भएको बुझिएको छ।
अस्पतालले विदेशी सहयोगबाट शिविरहरु पनि संचालन गर्दै आएको छ । एक कोरियन संस्थाका निर्देशक हेपीआल बिंगो र टीडब्लुसंग सहकार्य गरेर अस्पतालको विकास र यसबाट दिने सेवाको लागि सहयोग भएको अध्यक्ष तामाङले जानकारी दिए । दुई महिना शिविरको लागि उनीहरुकै मार्फत ३ लाख नगद प्राप्त भएको उनले बताए ।
बाँकी हेर्नुहोस भिडियोमा
