रामेछाप- रामेछाप जिल्लाको खाँडादेवी गाउँपालिका वडा नं.१ राकाथुममा नेकपा( एकीकृत समाजवादी ) पार्टी खाँडादेवी गाउँपालिका वडा नं.१ राकाथुमको प्रथम भेला सम्पन्न भएको छ। नेकपा ( एकीकृत समाजवादी ) केन्द्रिय पोलिटब्युरो सदस्य तथा स्वास्थ्य तथा जनसंख्या राज्य मन्त्रि भवानी प्रसाद खापुङको प्रमुख अतिथिको रुपमा उपस्थित उक्त कार्यक्रममा केन्द्रिय पोलिटब्युरो सदस्य तथा रामेछाप जिल्ला सहईन्चार्ज होम बुढाथोकीको बिशेष अतिथिको रुपमा उपस्थित रहेको थियो। साथै जिल्ला कमिटिका अन्य पधादीकारी, कार्यकर्ता,लोक दोहोरि गायक गायिका लगायत स्थानीयको बाक्लो उपस्थिति रहेको थियो।
कार्यक्रमका प्रमुख अतिथि भवानी प्रसाद खापुङले कार्यक्रमलाई सम्बोधन गर्दै नेकपा (एकीकृत समाजवादी)ले नेकपा एमालेबाट बिद्रोह गर्नुको कारण र अबको कम्युनिष्ट आन्दोलन आफुहरुले तय गरेको बाटोबाट मात्रै पुरा हुने बताए। २-२ पटक संसद बिघटन गरेका तानाशाही ओलीले आफुहरुलाई बिद्रोह गर्न बाध्य बनाएको बताउदै नेकपा एमालेको झुटो आश्वाशनको साथै भड्किला कुराको पछि नलाग्न समेत उपस्थित सम्पूर्णमा आग्रह गरे साथै रामेछापको पर्यटकीय स्थल खाँडादेवी गाउँपालिकाको साथै अन्य स्थानको विकास र प्रबर्दनकोलागि आफुले सक्दो सहयोग गर्ने प्रतिबद्दता समेत ब्यक्त गरे।
साथै कार्यकममा बिशेष अतिथिको रुपमा उपस्थित होम बुढाथोकीले रामेछापमा भएको नीतिगत भ्रष्टाचारको बिषयमा खरो टिप्पणी राखे, रामेछापको बिकास गर्ने नाममा आफ्नो आसेपासेको झोला भर्न र आफ्नालागि ठुलठुला महल बनाउन नीतिगत तरिकाले भ्रष्टाचारमा डुबेको भन्दै बागमती प्रदेश पुर्व अर्थ मन्त्रि कैलाश ढुङ्गेललाईलाई भ्रष्टाचारीको आरोप लगाउदै आफुहरु प्रमाण सहित छिट्टैनै जनता सामु आउने समेत बताए। अबको रुपान्तरणको विकास नेकपा ( एकीकृत समाजवादी ) पार्टी नै रहेको र आगामी चुनावमा नेकपा ( एकीकृत समाजवादी ) पार्टीलाई जिताईदिन उपस्थित स्थानियहरुलाई आग्रह गरे।
कार्यक्रममा हरि प्रसाद श्रेष्ठको अध्यक्षतामा २७ सदस्यको खाँडादेवी गाउँपालिका वडा नं.१ वडा कमिटी गठन गरिएको थियो। साथै गायकगायिकाले उपस्थित सम्पुर्णलाई गित गाएर मनोरंजन प्रदान गरेका थिए।
