२८ चैत्र २०७८ काठमाण्डौ- नेकपा (एकीकृत समाजवादी) रामेछाप जिल्लाको खाँडादेवी गाउँपालिकाको गोगनपानीमा बृहत कार्यकर्ता भेला सम्पन्न भएको छ।
नेकपा (एकीकृत समाजवादी) पार्टीका उपाध्यक्ष एवं बागमती प्रदेशका मुख्य मन्त्रि राजेन्द्र प्रसाद पाण्डेको प्रमुख आतिथ्यता रहेको उक्त भेलामा नेकपा (एकीकृत समाजवादी) पार्टी पोलिटब्युरो सदस्य एवं रामेछाप जिल्ला ईन्चार्ज देव शंकर पौडेल बिशेष अतिथि रहेका थिए। त्यस्तै अतिथिहरुमा पार्टी पोलिटब्युरो सदस्य एवं रामेछाप जिल्ला सह-ईन्चार्ज होम बुढाथोकी,केन्द्रिय सदस्य शान्त पौडेल,झम्क कँडेल,प्रदेश कमिटि सदस्य रमेशबाबु श्रेष्ठ, जिल्ला कमिटि सचिव लालसिङ घिसिङ,उप-सचिव किरण मोक्तान पार्टीका अन्य नेता तथा कार्यकर्ता लगायत स्थानीयहरुको बाक्लो उपस्थिति रहेको थियो।
कार्यक्रममा बोल्दै प्रमुख अतिथि राजेन्द्र पाण्डेले समग्र बागमती प्रदेशको विकास निर्माणकोसाथै रामेछापको विकासको बिषयमा जोड दिए।आफु मुख्य मन्त्रि भएपछी कहिँ कतै पनि पक्षपात नगरेको र भूगोल र आवश्यकताको आधारमा आफुले सकेको बजेट छुट्टाएको बताए।तस्तै रामेछापको खाँडादेवी गाउँपालिकाको विकासकोलागी छुट्टाएको बजेट कटौती गरेको भ्रामक र झुट्टो हल्ला फैलाएको भन्दै आफुले खाँडादेवीको विकासकोलागि छुट्टाएको बजेट कटौती नगरेको बताए। खाँडादेवी गोगनपानीको खत्री गाउँको पानीको समस्यालाई आगामी आर्थिक बर्षको कार्यक्रममा समावेश गराउने प्रतिबद्दता व्यक्त गरेका छन।
देशैभर नेकपा (एकीकृत समाजवादी) पार्टीको लहर छाएको र जनताले आफुहरुलाई रुचाएको बताउदै तत्कालिन नेकपा एमालेका अध्यक्ष केपीओलीले पार्टीलाई अगाडी बढाउने भन्दा पनि पार्टी भित्र गुट निर्माणको कार्यमा मात्रै अग्रसर रही कम्युनिष्ट आन्दोलनलाई नै धराशय बनाउदै तानासाही प्रवृति र एकलौटी ढंगले मनलाग्दी निर्णयहरु गर्नाको कारणले आफुहरुले बिद्रोह गर्नुपरेको र हाल जनताको प्यारो पार्टीको रुपमा अगाडी बढेको समेत बताए।त्यति मात्रै नभई केपी ओलीको संघियता सहितको संबिधान,समावेशी लोकतन्त्रलाई समाप्त पार्ने क्रियाकलापको बिरुद्दमा आफुहरु उठेको बताए।
चुनावलाई लक्षित गर्दै अन्य पार्टीसँगको गठबन्धनलाई अगाडी बढाउने र कोहिकसैले पनि समाजवादी पार्टिलाई कम्जोर नठान्न समेत आग्रह गरे साथै आम खाँडादेवीबासीलाई नेकपा (एकीकृत समाजवादी) पार्टी भोट दिएर जिताउन समेत आग्रह गरे।
त्यस्तै खाँडादेवी गाउँपालिकाको बिभिन पार्टी परित्यागगरि दर्जनौ नेता कार्यकर्ता नेकपा (एकीकृत समाजवादी) पार्टीमा प्रवेश गरेका थिए।कार्यक्रममा स्वरुपसिङ मोक्तानको अध्यक्षतामा ६७ सदस्य पालिका कमिटि गठन गरिएको हो।
कार्यक्रममा ख्याती प्राप्त गायक गायिका भिमसेन खतिवडा,सरदा रसाईली,राधिका ढकाल लगायतले आफ्नो प्रस्तुति मार्फत उपस्थित सम्पूर्णलाई मनोरंजन प्रदान गरेका थिए।
