०६ बैशाख काठमाण्डौ- स्थानीय तहको चुनावको मिति नजिकिदै गर्दा रामेछापको राजनीतिक पार्टीहरुबीच गठबन्धन गर्नकोलागि ढिलासुस्ती भईरहेको अवस्थामा नेकपा (एकीकृत समाजवादी) पार्टी रामेछाप जिल्ला कमिटि सचिव लालसिङ घिसिङले गठबन्धन गर्नु कुनै पनि नेतृत्वकर्ताको व्यक्तिगत ईच्छा र चाहना नभई समग्र राष्ट्रिय हित र विकासकोलागि आवश्यक रहेको भन्दै स्थानिय चुनावमा रामेछापमा अन्य पार्टीसँग तालमेल मिलाएर चुनावी मैदानमा उत्रिनुपर्नेमा आफु र आफ्नो पार्टी सक्रिय रुपमा लागिपरेको धारणा व्यक्त गरेका छन।
नेपालको कम्युनिष्ट आन्दोलनलाई ध्वस्त गर्दै नेपालि जनताले दिएको लगभग दुई तिहाई जनमतलाई दुरुपयोग गर्दै सरकारको नेतृत्व गरेको तत्कालिन प्रधानमन्त्री केपी शर्मा ओलीले संसद बिघटनदेखि भ्रष्टचारीहरुको संरक्षण गर्दै देशलाई फेरी पश्चगमन दिशातिर फर्काउदै सात दशक लामो क्रान्तिबाट प्राप्त उपलब्धिहरुलाई निषेध गर्दै क्रुर तानाशाही प्रवृति लाद्ने दिशामा उन्मुख भएको कारण राष्ट्रिय स्वाभिमानको रक्षा गर्दै नेपाली जनताको जनमतको रक्षा गर्दै समुन्नत र संबृद्द नेपालको निर्माण गर्ने परिकल्पनाकासाथ यो गठबन्धन निर्माण भएको बताएका छन।यो गठबन्धन निर्माण राष्ट्रिय आवश्यकताको बिषय रहेकोले गठबन्धनमा रहेको सबै राजनीतिक दलले केन्द्रिय निर्देशनलाई आत्मासाथ गर्दै जिल्लादेखि स्थानियतहसम्म अगाडी बढ्नुपर्नेमा जोड दिए।
नेकपा (एकीकृत समाजवादी) रामेछाप केन्द्रिय निर्देशन पालना गर्न दृढ प्रतिबद्द रहेको समेत बताएका छन।
रामेछापमा गठबन्धनको नेतृत्व गर्ने दल नेपालि कांग्रेसले नेतृत्वको प्रभावकारी भूमिका निर्वाह गर्न कन्जुस्याई गरिरहेको र सबै गठबन्धन दलहरुबीच समन्वय गरेर अगाडी बढ्नुपर्नेमा फरक फरक शक्तिबीच वार्ता संबाद गरिरहेको कारण रामेछापमा गठबन्धन दलहरु निष्कर्षमा पुग्न नसकेको बताउदै यद्यपि छिट्टै बैठक बसेर निष्कर्षमा पुर्याउनकोलागि एकीकृत समाजवादी रामेछापका नेताहरु लागिपरेको सुनौलोपानालाई जानकारी गराए।