०७ बैशाख २०७९ काठमाण्डौ – रामेछाप नगरपालिकाको मेयर पदकोलागि नेकपा (एकीकृत समाजवादी) बागमती प्रदेश कमिटि सदस्य रमेश बाबु श्रेष्ठले उम्मेदवार दाबि गरेका छन।
समग्र रामेछाप नगरपालिका र नगरबासीको हित अनुरुप कार्य गर्नुको साथै युवा तथा स्थानीयहरुको भावना अनुसार कार्य गर्न आफु सदैब लागि पर्नेमा जोड दिए।साथै आफु भ्रष्टाचार र घुस बिरोधि भएको र आफुले तेस्ता कार्यहरु गर्न कुनै पनि आवश्यक नरहेको ठहर गर्दै आफु नगर प्रमुख भएमा समग्र रामेछाप नगरपालिका र नगरबासीको हित र विकासकोलागि जस्तोसुकै परिस्थितिमा पनि आफु खडा हुनेमा पनि जोड दिएको सुनौलोपानालाई जानकारी गराए।तसर्थ पार्टीले आफुलाई बिश्वास गरेर रामेछाप नगरपालिकाको मेयर पदको उमेदवारिकोलागी टिकट दिनेमा आफु बिश्वस्त रहेको समेत बताए।
त्यस्तै रामेछाप नगरपालिकाको नगर प्रमुखकोलागी बागमती प्रदेश कमिटि सदस्य श्रीहरि श्रेष्ठले पनि आफ्नो उम्मेदवारी दाबि गरेका छन।
समग्र रामेछाप नगरपालिकाको विकास र उन्नतिकोलागि आफुले पनि नगर प्रमुखमा उम्मेदवारी दाबि गरेको श्रेष्ठले सुनौलोपानालई जानकारी गराए।
त्यस्तै रामेछाप नगरपालिकाको उप-प्रमुखकोलागि ढाल बिक्रम कार्की, लगायतले उम्मेदवारी दाबि गरेका छन भने पालिकाको वडा तर्फ उम्मेदवारी छनौट प्रक्रिया जारि रहेको छ।
श्रेष्ठ द्वयले आफु नगर प्रमुखको उम्मेदवारकोलागि योग्य र सक्षम रहेको बताउदै उम्मेदवारी दाबि गरेका हुन। नगर प्रमुखको छनोट प्रक्रिया भने निरन्तर रहनेछ।
नेकपा (एकीकृत समाजवादी) रामेछाप जिल्लाको आगामी बैशाख १० गते हुने रामेछाप नगरपालिका कमिटी गठन तथा अगुवा कार्यकर्ता भेलाको लागि बैठक सम्पन्न भएको छ।
बैठकमा १० गतेको कार्यक्रमलाई भब्य रुपले सम्पन्न गर्ने र आउदै गरेको स्थानिय चुनावकोलागि नगर प्रमुख,उपप्रमुख र वडा अध्यक्ष पदकोलागि उम्मेदवारीकोलागि समेत दाबेदार छनोट प्रक्रियालाई निरन्तरता दिने समेत निर्णय हरिएको हो।
बैठकमा नेकपा (एकीकृत समाजवादी) केन्द्रिय सदस्य शान्ता पौडेल, बागमती प्रदेश कमिटि सदस्य रमेशबाबु श्रेष्ठ, श्रीहरि श्रेष्ठ,जिल्ला कमिटि उप-सचिव सरिता खाती लगायत अन्य नेता कार्यकर्ताको उपस्थिति रहेको थियो।
