२१ बैशाख २०७९ काठमाण्डौ- रामेछापको सुनापति गाउँपालिकामा नेकपा (माओवादी केन्द्र) ले चुनावी घरदैलो कार्यक्रमलाई तिब्रता दिएको छ।आगामी बैशाख ३० को स्थानीय निर्वाचन नजिकिदै गर्दा सुनापति गाउँपालिकामा नेकपा (माओवादी केन्द्र) ले चुनावी घरदैलो कार्यक्रमलाई तिब्रता दिन थालेको हो।
आम जनतामाझ घरदैलो कार्यक्रममार्फत मत माग्ने र जनगुनासो सुन्ने कार्यमा गाउँपालिका अध्यक्षका उम्मेदवार ठुलो कान्छ तामाङ र उपाध्यक्ष उम्मेदवार गीता बिष्ट चौलागाईं लगायत वडा अध्यक्ष उम्मेदवारहरुले पनि नेकपा (माओवादी केन्द्र) लाई जिताउन चुनावी प्रचारप्रसारमा अहोरात्र खटिरहेका छन।
गत निर्वाचनमा सुनापति गाउँपालिकाको वडा न. ५ को वडा अध्यक्षमा जित हासिल गरि जनमुखी कार्य गरेर जनतामाझ लोकप्रिय बनेका ठुलो कान्छा तामाङ यस पटक भने गाउँपालिका अध्यक्षकोलागि प्रतिस्पर्धामा उत्रिएका छन।
आफुले वडा अध्यक्ष भएर काम गर्दाको समयमा जनताको मन जित्न सफल भएको र सोहि अनुरुप विकासको गतिलाई तिब्रता दिनको निम्ति जनताले फेरी पनि जनप्रतिनिधिकै रुपमा आफुलाई हेर्न चाहेको बताउदै जनताले आफुलाई भरि मतले बिजयी गराउनेमा आफु बिश्वस्त रहेको ठुलो कान्छ तामाङले सुनौलोपानालाई बताए।आफुले जितेर आफ्नो कार्यकालमा विकासका थुप्रै कार्यहरु गर्नु पर्ने र आफु त्यसमा सदैब लागिपर्ने समेत तामाङले प्रतिबद्दता ब्यक्त गरेका छन।गाउँपालिका अध्यक्षको उम्मेदवार तामाङ यति बेला विकासका विभिन्न योजना लिएर जनताको घरआगनमा गइ मत माग्नमा व्यस्त छन।
त्यस्तै गाउँपालिका उपाध्यक्ष उम्मेदवार गीता बिष्ट चौलागाईं पनि यतिबेला जनताको घरघरमा गएर मत माग्ने कार्यमा ब्यस्त रहेकी छिन।गत निर्वाचनमा सुनापति गाउँपालिकाको उपाध्यक्ष पदमै भरि मतले विजयी भएकी चौलागाईं यस पटकको निर्वाचनमा पनि उपाध्यक्षमै उम्मेदवारी दर्ता गरि प्रतिस्पर्धामा उत्रिएकी हुन।
आफुले जित हासिल गरेर गत ५ बर्षको कार्यकालमा जनताको ईच्छा चाहना अनुरुपको कार्य गर्न सफल भएको र अझै थप विभिन्न कार्य गर्न बाकि हरेको हुदा आगामी निर्वाचनमा जित हासिल गरि बाकि कामलाई निरन्तरता दिनुकोसाथै थप विभिन्न कार्य योजना तयार गरि अझै सशक्त र सक्रिय भूमिका निर्वाह गर्न आफु तत्पर रहेको र फेरी पनि जनताको मन जित्न सफल हुनेगरी कार्य गर्ने प्रतिबद्दता ब्यक्त गरेकी छिन।महिला हक अधिकारकोसाथै पिछडिएका,विभिन्न समस्यामा रहेका जनताको सेवाको निम्ति आफु हरबखत लागि पर्ने चौलागाईंले सुनौलोपानालाई बताईन।
सुनापति गाउँपालिका अध्यक्षका उम्मेदवार ठुलो कान्छ तामाङ र उपाध्यक्ष उम्मेदवार गीता बिष्ट चौलागाईंले सोमबार वडा न. ५ को भिरकोट,रुपाकोटलगायतको जनतामाझ मत मागेका थिए भने मंगलवार वडा न २ को दिमीपोखरी,मैरे,मानपुर लगायतको जनतामाझ पुगी मत मागेका थिए।
जनतासामु मत माग्ने कार्य निरन्तर रहेको र गत निर्वाचनमा जस्तै जनताले आफुहरुलाई रुचाएर यसपटक पनि सुनापति गाउँपालिकाको सम्पूर्ण सिट नेकपा (माओवादी केन्द्र) लाई नै जिताउनेमा आफुहरु बिश्वस्त रहेको उम्मेदवार द्वय ठुलो कान्छ तामाङ र गीता बिष्ट चौलागाईंले सुनौलोपानालाई बताए।
त्यसैगरि सुनापति गाउँपालिका नेकपा (माओवादी केन्द्र) बाट उम्मेदवार दर्ता गराएका पाँच वटै वडाका वडा अध्यक्षहरु पनि जनताको घरघरमा गई मत माग्ने कार्यमा व्यस्त रहेका छन।
