काठमाडौं : गायन रियालिटी शो ‘द भ्वाइस किड्स नेपाल’ प्रसारणमा आउने भएको छ । ‘द भ्वाइस किड्स नेपाल’ आउँदो कात्तिक २६ गतेदेखि हरेक शुक्रबार र शनिबार बेलुकी ८ बजे हिमालय टेलिभिजनमा प्रसारण हुनेछ ।
‘द भ्वाइस किड्स नेपाल’ ले आधिकारिक फेसबुक पेजमार्फत प्रसारणबारे जानकारी दिएको हो । ‘द भ्वाइस किड्स’ को निर्णायकमा गायक राजु लामा, प्रमोद खरेल, प्रविशा अधिकारी र मिलन नेवार रहेका छन् । उक्त शो मा ‘द भ्वाइस अफ नेपाल’ का निर्देशक लक्ष्मण पौडेलको निर्देशन रहेको छ ।
६ बर्षदेखि १४ बर्षका बालबालिकाको गायन प्रतिभा प्रस्तुत गर्ने उक्त रियालिटी शो को ब्लाइन्ड अडिसन छायाङ्कन भइसकेको निर्माण टिमले जनाएको छ ।
