बहुप्रतीक्षित दक्षिण भारतीय फिल्म ‘आरआरआर’ को नयाँ रिलिज डेट तय भएको छ । यसअघि आरआरआर जनवरी ७ मा रिलिज हुने भनिएको थियो ।
तर कोरोनाको तेस्रो लहर शुरू भएपछि निर्माण टिमले फिल्मको प्रदर्शन स्थगित गरेको थियो । अब यो फिल्म मार्च २५ मा रिलिज हुने भएको छ ।
बाहुबली फिल्मका निर्देशक एसएस राजामौली निर्देशित फिल्ममा जुनियर एनटीआर, रामचरण, अजय देवगण, आलिया भट्ट लगायतका कलाकारको मुख्य भूमिका छ । यो फिल्म हिन्दी, तमिल, तेलुगू, मलयालम र कन्नड मा रिलिज हुनेछ ।
