१९ असोज २०८१, काठमाडौँ -रामेछाप (सुनापति गाउँपालिका) र काभ्रे (तेमाल गाउँपालिका) जोड्ने सिन्दुरेटारको पुलबाट सवारी साधन आवतजावत गर्नकोलागि पुलबाट तेमाल गाउँपालिकाको मेच्छेपौवा डाँडाँसम्म सडक सफा गर्ने कार्य सम्पन्न भएर बस संचालनमा आएको छ।
मौसम सफा रह्यो र बर्षा भएन भने भोलि (असोज २० गते) बाट बस लगायत अन्य सवारी साधन सहजै संचालनमा ल्यान सकिने सुनपाती गाउँपालिकाका अध्यक्ष ठूलो कान्छा तामाङले बताएका छन
साथै सडक सरसफाई र मर्मतकोलागि एउटा स्काभेटर निरन्तर राखिने तेमाल गाउँपालिका वडा न.९ का वडा अध्यक्ष चन्द्र दोङले बताएका छन।
सडक सफा भएसँगै सुनापति गाउँपालिका लगायत रामेछापको अन्य भूभागमा पुग्न सहज हुनेछ साथै बीपी राजमार्गको बैकल्पिक सडकको रुपमा काठमाण्डौ,भकुण्डेबेसी,तेमाल हुदै सिन्दुरेटारको यो पुल निस्किएर मध्य पहाडी लोकमार्गहुदै सित्खाको पुल निस्किएर तराईको यात्रा समेत गर्न सकिन्छ।
महान चाड दशैँ नजिकिदै गर्दा काठमाण्डौबाट सुनापति लगायत रामेछापको विभिन्न ठाउँका स्थानीयहरु र तराईसम्म यात्रा गर्ने यात्रुहरु चिन्तामा थिए। यो सडक संचालनमा आए सँगै रामेछाप लगायत तराईसम्म यात्रा गर्ने यात्रुहरुलाई धेरै नै सहज हुनेछ।गत असोज ११ र १२ गतेको भारि वर्षाका कारण रोशी खोलामा आएको बाढीले काभ्रेको बिभिन्न ठाउँमा सडक अबरुद्द हुनुको साथै खैरेनीको पुल बगाएपछि यो सडक खण्डलाई बैकल्पिक सडकको रुपमा संचालनमा ल्याईएको हो।
