सुनापतिमा सम्पन्न भयो स्वागत र फेरी भेटौला कार्यक्रम
रामेछाप- रामेछाप जिल्लाको सुनापति गाउँपालिकामा स्वागत तथा फेरी भेटौला कार्यक्रम सम्पन्न छ। सुनापति गाउँपालिकाका प्रमुख प्रशासकीय अधिकृत राममणि काफ्ले संस्कृति पर्यटन तथा नागरिक उड्डयन मन्त्रालयमा सरुवा भई संस्कृति पर्यटन तथा नागरिक उड्डयन मन्त्रालयबाट सुनापति गाउँपालिकाको प्रमुख प्रशासकीय अधिकृतको रुपमा कमल राज श्रेष्ठलाई स्वागत गरिएको हो।
करिब १४ महिनाको कार्यकालमा आफुले ईमान्दारितपुर्वक कार्य गरेको र थप राम्रा कार्याकालागि राममणि काफ्लेले शुभकामना ब्यक्त गर्नु भयो।
यसको साथै नव नियुक्त प्रमुख प्रशासकीय अधिकृत कमल राज श्रेष्ठले आफुले जतिसक्दो राम्रा कार्यहरु गर्ने समेत बताउनुभयो।
कार्यक्रममा सुनापति गाउँपालिकाका अध्यक्ष धावा लामा, उपाध्यक्ष गीता बिष्ट, वडा अध्यक्षहरु चनडेश्वोर चौलागाईं, बाबुराम तामाङ, कर्मचारीहरु लगायत स्थानीयहरुले समेत खादा र अबिर लगाई मायाको चिनो प्रदान गरि राममणि काफ्लेलाई बिदाई र कमल राज श्रेष्ठलेलाई स्वागत गरेका थिए।
स्थानिय सरकार र कर्मचारीबिचको सहकार्य बिना कुनै पनि कार्य सफल नहुने गाउँपालिकाका अध्यक्ष धावा लामाले बतानुभयो।
