भारतीय टेलिभिजन कलाकार समीर शर्माले आत्महत्या गरेका छन्। उनी मुम्बईस्थित आफ्नै घरमा मृत्त अवस्थामा फेला परेका हुन्।
बुधबार राती ड्युटीमा खटिएका चौकीदारले शव देखेपछि वरिपरिका मानिसलाई शर्माको आत्महत्याको बारेमा जानकारी दिएका थिए। शवको स्थिति हेर्दा उनी दुई दिनअघि नै झुन्डिएर आत्महत्या गरेको हुनसक्ने आशंका प्रहरीले गरेको छ।
४४ वर्षिय शर्मा मलाड वेस्टस्थित अहिंसा मार्ग सीएचएच बिल्डिंगमा बस्दै आएका थिए। मलाड प्रहरीको अनुसार समिरले यसै बर्ष फेबुअरीमा अपार्टमेन्ट भाडामा लिएका थिए।
समीरले ‘कहानी घर घरकी’, ‘क्यु कि सास भी कभी बहु थी’ लगायतका थुप्रै टेलिसिरियलहरुमा अभिनय गरेका छन्।
